A orixe da Asociación de Amigos da Cociña Galega foi promover e preservar a nosa rica tradición gastronómica. A cultura castrexa, a romanización, o Camiño de Santiago, as conexións co Novo Mundo… a nosa cultura culinaria foi adaptándose e conformándose ao longo dos séculos, resultando nunha riquísima e variadísima ‘carta’.
A nosa localización xeográfica, as nosas costumes e, sen dúbida, os produtos que a natureza sempre nos proporcionou fan das nosas receitas únicas. Mariscos, peixes, carne, verduras, lácteos… son a base de todo. Son o que nos fai únicos no mundo.
En 2004, nunha Asemblea Extraordinaria que tivo lugar en Santiago de Compostela, os estatutos da Asociación axustáronse en base á Lei Orgánica 1/2002, do 22 de marzo, que regula o Dereito de Asociación. E neles redefínense, aínda que na súa esencia manteñen o mesmo espírito do orixinal, os seguintes obxectivos principais, vixentes hoxe en día:
Promover e difundir a gastronomía galega e todo o relacionado con ela, a través de medios impresos, orais e visuais e outros sistemas de difusión existentes ou futuros.
Promover, apoiar e crear a infraestrutura necesaria para que o atractivo turístico baseado na gastronomía galega sexa cada vez máis eficaz e atractivo.
Promover e patrocinar o nivel profesional de todos os seus asociados e colaborar con outras asociacións, centros e colectivos en todo o que signifique unha mellora na elaboración e promoción da gastronomía galega.
Realizar actividades, xa sexa directamente ou en colaboración con outras entidades e asociacións, para a mellora, promoción e difusión da cociña galega.
